«Жолдағы балалар» республикалық жедел-профилактикалық іс-шарасы аясында Қостанай облысы Полиция департаментінің қызметкерлері жас жол инспекторларымен бірлесіп, балалардың жол қауіпсіздігін арттыруға бағытталған акция өткізді.
Іс-шара барысында оқушыларға жол қозғалысы ережелерін сақтау, велосипедтер мен жеке ұтқырлық құралдарын қауіпсіз пайдалану, сондай-ақ автокөлікте балаларды тасымалдау кезінде арнайы ұстап тұру құрылғыларын қолдану қажеттілігі түсіндірілді.
Балалар үшін викториналар, ойындар мен танымдық байқаулар ұйымдастырылып, олар жолдағы қауіпсіз мінез-құлық дағдыларын нығайтты.