Қош келдіңіздер!

Ғафу Қайырбеков атындағы №9 жалпы білім беретін мектептің ресми сайтына қош келдіңіздер!

Мектебіміз – Қостанай қаласындағы 1986 жылдан бері жұмыс істеп келе жатқан, білім мен тәрбиені ұштастыра отырып, болашақ ұрпақты тәрбиелеуге бағытталған іргелі оқу орны. Қазақ мектебі ретінде біз ұлттық құндылықтарды, ана тілімізді және мәдениетімізді дәріптей отырып, жас ұрпаққа сапалы білім мен саналы тәрбие беруді басты мақсатымыз деп білеміз.

Ғ.Қайырбеков мектебі – білікті ұстаздар мен дарынды оқушылардың ордасы. Мұнда әр оқушының тұлғалық дамуына, шығармашылық қабілетінің артуына ерекше мән беріледі. Жаңартылған білім мазмұнына сай жабдықталған кабинеттер, STEM зертханасы, интерактивті құрылғылар – осының барлығы балалардың заманауи біліммен қарулануына мүмкіндік береді.

Біздің сайт арқылы мектеп өмірінен хабардар болып, жетістіктерімізбен танысып, оқу процесіне қатысты қажетті ақпараттарды ала аласыздар. Ашықтық пен серіктестікке негізделген ынтымақтастығымыз білім сапасының артуына кепіл болмақ.

Құрметпен,  Ғафу Қайырбеков атындағы №9 мектеп әкімшілігі

Қорытынды емтихан 2025-2026 оқу жылы

2026-2027 жаңа оқу жылы қарсаңында міндетті мектеп формасына қойылатын талаптар Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығымен реттелетінін хабарлаймыз. Жаңа оқу жылында аталған бұйрықтың талаптары өз күшінде қалады.

Мектеп формасы білім берудің зайырлы сипатына сәйкес келеді және күнделікті, мерекелік және спорттық болып бөлінеді.

Ұл балаларға арналған мектеп формасына пиджак, жилет, шалбар, салтанатты және күнделікті жейде, трикотаждан тігілген кофта (кардиган), поло жейдесі немесе тенниска кіреді; қысқы кезеңде - трикотаждан тігілген жилет пен сукөйлек (водолазка) киюге болады.

Қыз балаларға арналған мектеп формасына пиджак, жилет, белдемше, шалбар, классикалық блузка, трикотаждан тігілген кофта (кардиган), поло жейдесі немесе тенниска кіреді; қысқы кезеңде - трикотаждан тігілген жилет, сарафан және сукөйлек (водолазка) киюге болады.

Шалбар бос болуы және тобықты жауып тұруы тиіс.

Назар аударыңыз! Қазақстан Республикасы Білім және ғылым министрінің 2016 жылғы 14 қаңтардағы № 26 бұйрығының 13-тармағына сәйкес мектеп формасына әртүрлі конфессияларға тән діни атрибутика элементтерін енгізуге жол берілмейді.

Ата-аналар (заңды өкілдер) мектеп формасын тігін кәсіпорнынан немесе мектеп киімін сататын сауда желілерінен өз таңдауы бойынша сатып алуға құқылы.

Білім алушылардың білім беру ұйымында белгіленген мектеп формасын киіп жүруін қамтамасыз ету ата-аналардың (заңды өкілдердің) міндеті болып табылады.