Спорт – ұжымдық рухтың айнасы!
Бүгін мектебімізде Өнер бірлестігінің әдістемелік 10 күндігінің жабылуы аясында ұйымдастырылған мұғалімдер арасындағы спорттық жарыс жоғары деңгейде өтті!
Мектеп әкімшілігі, ұстаздар және қызметкерлер жарыс алаңында бірлік пен ұйымшылдықтың жарқын үлгісін көрсетті. Қарапайым сабақтан тыс сәтте де, білім мен тәрбие саласының шынайы көшбасшылары екендіктерін дәлелдеп, баршаға үлгі бола алды.
Жанкүйер болып, әріптестеріне демеу берген ұстаздарға ерекше алғыс! Қолдауларыңыз – ұжымымызды шыңдаудың негізі.
Ал осындай керемет шараны ұйымдастырған дене шынықтыру мұғалімдеріне айрықша алғыс білдіреміз! Сіздердің креативті идеяларыңыз бен жанқияр еңбектеріңіз ұжымымыздың ауызбіршілігін одан әрі нығайта түсті.
Бұл күн – ұжымдық рухтың, татулық пен ынтымақтың, достық пен қуаныштың мерекесі болды. Бірлігі жарасқан ұжымымыздың жарқын болашағына сенеміз!
