Дәстүр бойынша наурыз мерекесінде жігіттер нәзік жандыларға айна, тарақ, сақина, сырға секілді бұйымдарды тарту етіп, қыз баланың жүрегіне “Селтеткізер” жасаған, одан әрі қарай мерекенің жалғасы ретінде бойжеткендер “Ұйқыашар” ұйымдастырып, көңілі қалаған бозбалаларға дәмді етіп ас пісіріп берген. Пісірілген дәмнің аты «Ұйқыашар» деп аталады. Осылайша, жігіттер селтеткізер сыйлық сыйласа, сылқым сұлудан дәмді тағам тартылатын дәстүрлерді бүгінгі таңда жастарға насихаттау мақсатында №9 мектептің 10 А,Б сынып оқушылары бейнекөріністен қойылым көрсетті.
