Мектеп оқушыларының өмірінде 5-сыныпта бейімделу кезеңі өте өзекті. Оқушы үлкен өмірге өтіп, балалықпен қоштасады. Орта мектепте оқыту түбегейлі өзгеріске ұшырайды: балалар негізгі мұғалімнен сынып жетекші немесе таныс емес пән мұғалімдері жүйесіне, жиі кабинеттік жүйеге, жаңа пәндерге, қосымша жүктемелерге ауысады. Алайда барлығына үйрену керек! Осының барлығы оқушыдан өзін-өзі басқаруды, көңіл бөлуді талап етеді. 5-сынып оқушыларына психологиялық қолдауды талап етеді, себебі ол балалық пен жасөспірім кезеңінің қажетті көпірі. Сондықтан 5-сынып оқушыларының мектепке бейімделуін бақылау қорытындысы бойынша педагогикалық-психологиялық қолдау көрсету мақсатында ДОЖО Байкадамова А.С., 5-сынып жетекшілері Искакова Н.К, Мусагулова Д.Б., Қайырбекова Г.М., Дауренбекова А.Т., ДТЖО Ахметова М.Н., мектеп психологі Алимова М.Б., әлеуметтік педагог Кошенова Қ.Ж., бастауыш сынып мұғалімдері және пән мұғалімдерінің қатысуымен отырыс өткізілді. 5-сынып оқушыларының орта буынға бейімделуі, пән мұғалімдерімен қарым-қатынасы, білім сапасы, оқушылардың бірім-бірімен қатынасы мәселелерін қозғап, арнайы мамандардан ұсыныстар мен кеңестер берілді.
