Қостанай қаласының әкімі Марат Жүндібаевтың қатысуымен өткен Ұстаздар күніне арналған салтанатты іс - шарада қала ұстаздарын Халықаралық конкурстардың лауреаты, Ғ.Қайырбеков атындағы №9 жалпы білім беретін мектептің түлегі, бүгінде сахнада Amre (Әмре) деген атпен танымал қазақстандық әнші Ернар Бексұлтанович Садырбаев құттықтады.
ҚазҰӨА - ны тәмамдап, музыкалық театрда өнер көрсеткен өнер иесі «Голос» жобасында танылып, «Славян базары», «Интервидение» сияқты беделді халықаралық фестивальдерде Қазақстанның атынан сахнаға шыққан. Бүгінде әлемдік деңгейде ел абыройын асқақтатып жүрген талант иесінің қала ұстаздарын құттықтауы педагогтар қауымы үшін үлкен мәртебе болды.