Дебат - бұл өз ойыңды дәлелмен жеткізіп, қарсы пікірді тыңдап, мәдени түрде жауап бере білу өнері. Дебат барысында адам тек сөйлеуді ғана емес, сыни ойлауды, логикалық талдауды және өз көзқарасын қорғауды үйренеді.
Дебат адамның өзін-өзі дамытуына үлкен әсер етеді. Ол сенімділік береді, сөздік қорды байытады және қоғамдағы маңызды мәселелерге бейжай қарамауға үйретеді. Сонымен қатар, дебат қарсыласты жеңу үшін емес, шындыққа жақындау үшін жүргізіледі.
Қазіргі заманда дебат жастарды көшбасшылыққа, жауапкершілікке және азаматтық ұстанымға тәрбиелейді. Сондықтан дебат - тек жарыс емес, ол ой еркіндігі мен білімнің мектебі.
