Болашаққа бастар жарқын қадам - мектептен басталады!
Мектебімізде балабақша тәрбиеленушілеріне арналған Ашық есік күні жоғары деңгейде ұйымдастырылды. Болашақ оқушыларымыз мектептің тыныс-тіршілігімен танысып, заманауи сыныптарды, ойын және даму аймақтарын аралап, қызықты сабақтарға қатысты.
Білім мен тәрбие қатар жүретін, баланың қабілетін ашуға бағытталған орта – біздің мектептің басты құндылығы!
Осы шараға қолдау көрсеткен №6 және №17 балабақшалардың әкімшілігі мен тәрбиешілеріне үлкен алғысымызды білдіреміз!
Мақсаты:
– болашақ 1-сынып оқушыларын қазақ тілінде білім беретін мектебімізбен таныстыру;
– балалардың мектепке бейімделуіне жағдай жасау;
– ата-аналарға сапалы білім беру мүмкіндіктерін көрсету.
Құрметті ата-аналар!
Егер сіз балаңыздың білімді, тәрбиелі, өзіне сенімді тұлға болып қалыптасуын қаласаңыз – дұрыс таңдау жасаңыз. Біз әр баланың қабілетін ашып, үлкен өмірге нық қадам жасауына жол ашамыз.
Болашақтың табысты азаматын бірге тәрбиелейік!
Балаларыңызды қазақ тілінде білім беретін мектебіміздің 1-сыныбына қабылдауға шақырамыз!