Бүгін 9-сынып оқушылары кәсіби бағдар беру жұмысы аясында Қостанай цифрлық индустрия колледжі-не барды.
Іс-шара барысында оқушылар колледждің оқу үдерісімен танысып, заманауи жабдықталған кабинеттер мен зертханаларды аралады. Әр мамандықтың ерекшелігі, оқу шарттары және болашақтағы мүмкіндіктері туралы жан-жақты мәлімет алды. Колледж мамандары талапкерлерге қойылатын талаптарды түсіндіріп, оқушылардың сұрақтарына жауап берді.
Кездесу оқушыларға болашақ мамандықты саналы түрде таңдауға бағыт-бағдар беріп, кәсіби ой-өрістерін кеңейтуге мүмкіндік жасады.
