9 «А» сыныбында «Құқық бұзушылық. Зорлық-зомбылықсыз өмір» тақырыбында сынып сағаты өткізілді. Іс-шара барысында оқушылар құқық бұзушылықтың себептері мен салдарын, заңды сақтау және өзгенің құқығын құрметтеудің маңыздылығын талқылады. Сонымен қатар буллинг пен зорлық-зомбылықтың алдын алу, жанжалдарды бейбіт жолмен шешу мәселелеріне ерекше назар аударылды. Оқушылар өз ойларымен бөлісіп, әр адамның өз іс-әрекетіне жауапты екенін түсінді. Сынып сағатының мақсаты – оқушылардың құқықтық сауаттылығын арттыру, өзара сыйластыққа, жауапкершілікке және зорлық-зомбылықсыз қауіпсіз өмір сүруге тәрбиелеу.