20.12.22. Қостанай қаласы әкімдігінің Ғафу Қайырбеков атындағы №9 жалпы білім беретін мектебінде "SMART- педагог: кәсіби табысқа апарар жол» тақырыбында жоспарланған әдістемелік жұмыстардың барлығы дерлік жоғары деңгейде ұйымдастырылып өткені көңілге қуаныш ұялатады. Бүгін міне, жоспар бойынша мектептер арасында сабақтастық байланысты нығайту мақсатында №15 мектеп педагогтарынан 1 команда және №9 мектебінен "Жастар" командасы құрылып, "Жайдарман" көңілді тапқырлар клубы алаңында сайысқа түсті. Байқауға екі команда жастары да ерекше дайындықпен келіп, көрермендерді қызықты, жарасымды әзілдерімен таңқалдырды. "Жайдарман" сайысында І орынды №9 мектебінің командасы, ал ІІ орынды №"15 мектеп командасы иеленді. Бүгін сахнаға шыққан педагог жастардың шығармашылық , ізденімпаздық қабілеттері, танымдық белсенділіктері жоғары деңгейде көрінді.
