«Бұлақ көрсең көзін аш» 11.12.2021 күні Қазақстан Республикасы Тәуелсіздігінің 30 жылдығы мен Ұлы ұстаз, ағартушы Ы. Алтынсариннің 180 жылдығына арналған «Бұлақ көрсең көзін аш» атты мектепалды даярлық сыныбы тәрбиеленушілерінің қатысуымен мерекелік байқау ұйымдастырылды. Мақсаты: Балалардың Отан, Рәміздер, Елбасы, Тәуелсіздік күні туралы түсініктерін молайту, сахнада өзін ұстау мәнеріне баулу, дарынды балаларды анықтау болды. Мәнерлеп тақпақ айту, сахналық көрініс қою, әуезді ән айту барысында балалардың қызығушылығы, белсенділігі байқалды. Мектепалды даярлық сыныбы тәрбиешілері Ергалиева Г.М., Қабден Ж.М. байқаудың қызықты, сапалы өтуіне белсене ат салысты. Әндердің барлығы Отанын, елін сүюге, құрметтеуге бағытталып, кішкентайлардың патриоттық сезімі оянды. Қиындықпен келген Тәуелсіздік бақытты балалардың үнімен ұштасты. Бейбіт елдің балалары риясыз күлкісімен біздің жүрегімізге жылылық сыйлады.
