«Рухани жаңғыру: 100 жаңа есім» бағдарламасы аясында ҚР актері - Шайсұлтанов Ниязбекпен кездесу
«Болашаққа бағдар: Рухани жаңғыру» мақаласында жастардың үлгі алуына, заманауи Қазақстанның келбетін танытуға мүмкіндік беретін «100 жаңа есім» жобасы ұсынылған. Бұл жоба жайында Елбасы «Жастар өмірге шынайы көзбен қарап, өз тағдырларына өздері иелік ете алатын азаматтар болуы үшін оларға үлгі ұсынуымыз керек» деп ескерткен болатын. Бүгінгі күнде Елбасының ауқымды мақаласын іс жүзінде тындыруға еліміздегі азаматтардың көптеп атсалысып жүргенін көріп жүрміз. Қазіргі жастардың дені білім-ғылымға қызығатыны қоғамымыз үшін де пайдалы екенін ерекше атап өткен жөн. Олардың бірі ғылымда жаңа бір жаңалық ашып, түрлі зерттеу жұмыстарын жүргізу арқылы өздерін дамытып жатса, екіншілері жеке бизнес қызметімен әлеуметке танылып, көпшілік үшін тиімді істерді тындырып жүр. Ал келесі біреудің өнерлерімен елімізді жаһанға әйгілі етіп жүргенін де жасыруға болмайды. Қысқасы, мемлекетімізде отанға қызмет етіп жүрген саны күн санап артып келеді.
Сол еліміздің даңқын шығарып жатқан бірде-бір адамның бірі, Қостанай өңірінің тумасы, Ғ.Қайырбеков атындағы №9 орта мектебінің түлегі – Шайсұлтанов Ниязбек. Бүгінгі таңда өз мамандығын таңдағалы жатқан 9-11 сынып оқушыларымен акт залында кездесу өтті. Кездесу барысында Ниязбек өзінің актерлің өмір жолын айтып, оқушылармен сұхбаттасты. «Қазақ хандығы» – оның кино əлеміндегі дебюті. Дебют болғанда да басты рөлдердің бірін сомдаған. Сонымен қатар әр түрлі телепрограммаларға қатысқан жас жігіт. Жастайынан өз арманын қуалаған ол өз актерлік шеберлікті мектеп жайдарманынан бастаған болатын. Содан бері актер боламын деген ол ата-анасынан бата алып, Қазақстанның үлкен қаласы Алматыға сапар шекті. Оқушылармен сұхбаттасу барысында өмірінде болған қиындықтар мен үлкен өзгерістер туралы айтты. «Қазіргі таңда өмір басқа, жастар да басқа. Сондықтан үлкен армандарың бар болса, басқа үлкен қалаларға, шет елдерге барудан қорықпаған жөн» - дейді Ниязбек. Кездесу барысында кейбір оқушылар қызықты сұрақтарын қойып, өз ойларын еркін білдірді. Ниязбекпен сағаттап əңгімелесуге болар еді. Өзі де балалармен тез тіл табысатын əрі балажан екен. Ниязбек Шайсұлтановты енді көгілдір экранның бер жағынан асыға күтетін боламыз.
