Аутодеструктивті мінез-құлықтың алдын алу мақсатында ұйымдастырылған «Өмірге қол соз!» атты бір реттік акция аясында кәмелетке толмағандар мен олардың ата-аналарына Облыстық психологиялық қолдау орталығының қызметі туралы ақпарат берілді.
Акцияның негізгі мақсаты – білім алушылардың психологиялық саулығын нығайту, қиын өмірлік жағдайларда қолдау көрсету, сондай-ақ мектептер мен колледждердің білім алушыларына психологиялық-педагогикалық көмек көрсету мүмкіндіктерімен таныстыру.
Іс-шара барысында қатысушыларға психологиялық қолдау алу жолдары, мамандардың көмегіне жүгіну тәртібі және эмоционалдық әл-ауқатты сақтау жөнінде ақпараттық материалдар таратылды.